Bahar Şiiri

Bahar Şiiri | Sevinç İbrahim

Bahar

Gəlir bu elə yenə bir ilk bahar,
Susqun kədərlilərin könlün alar,
Yenə quşlar bahar nəğməsin çalar,
Həyat adlı bir şeir yazaram mən.

Ağaclarla dolu sonsuz bir meşə,
Budur mənim üçün rəngarəng guşə,
Orda seyr edərək qızıl günəşə,
Ümid adlı bir şeir yazaram mən.

Gördüm mən həyatda qışı, payızı
Amma ən çox sevdim baharı, yazı
Alaraq əlimə qələm, kağızı
Bahar adlı bir şeir yazaram mən.

Bu cahanı qarış-qarış gəzərəm,
Onun eşqilə könlümü bəzərəm,
Mirvaritək misraları düzərəm,
Sevgi adlı bir şeir yazaram mən.

Payızda bilinirmiş yazın qədri,
Keçdi qış duyulur yenə gül ətri,
O nur üzlü bir pərvanədən ötrü,
Xəyal adlı bir şeir yazaram mən.

Günəş işıq saçanda təbiətə,
Başladıq onunla uzun söhbətə,
Yeni ad gətirərək şeriyyətə,
Ona ölməz bir əsər yazaram mən..
23.02.2018

Sevinç İbrahim

Sevinç İbrahim